Yumiko「表演」有幾十萬人去睇？

藝人鄭希怡 (Yumiko) 繼上次T-Back事件後，又再一次成為傳媒既焦點。日前在加拿大擔任表演嘉賓唱歌跳勁舞既時候，一下唔小心走左光。當觀眾一知道佢走光露點後，唔係戥佢可憐、戥佢慘，而係第一時間上網搵番果段片。

圖一

資料來源：Youtube.com

根據以上(圖一)既資料所指出，該片被點擊率達六十三萬人次，分分鐘仲多過現場睇既人數呀！你又會唔會係其中既一個呢？不過該片已經被刪除，但係正所謂「一雞死一雞嗚」，呢頭被人刪左，果頭咪又有人放番段片上去！


呢幾日城中茶餘飯後既話題，都係環繞住Yumiko，令到佢既知名度提升，就連果D不嬲唔睇娛樂新聞既師奶都知邊個係Yumiko，佢地異口同聲咁話：「露點果個丫嘛！」咁其實呢次走光事件令Yumiko既新聞價值高左幾多呢？

圖二

大家不妨一齊睇下…上圖(圖二)係Google搜尋器既首頁，竟然「Yumiko」個名排在榜首，人氣指數勁高，瀏覽者不費吹灰之力，一Click，就可以搜尋到有關Yumiko既新聞。其他藝人想要達到咁既效果，成為搜尋器既熱門話題，相信就要加把勁喇！